కాకి దుఃఖం

నీ చిలుము గుండె చప్పుడు 

వినిపించదు నాకైనా 

రక్తలయల్లోని పాటలు వింటున్నావా 

మోసపోయావా 

సూత్రాలన్నీ తెగి స్కలించిన బాధలూ 

కనురెప్పలు మూసుకుంటాయా 

దుగుట్లో గడ్డ కట్టిన కన్నీరు 

ఈ 

కలల్నుంచి తెగిపడిన మాంసం ముక్క 

చేదు చేదు చేదు 

విరిగిపోయావా దారి కరిగి 

ఎవర్నని ప్రేమించాలి 

రెండు దేహాలొదిలిన ఊపిరి కాలాలకి 

అగ్గి పెట్టాలి 

మోసం 

నీ మోసం నా మోసం 

గుర్తెరిగిన మోసం మనందరిదీ 

విహ్వలించావా నమ్మకంతో 

వెన్నెముక తనని ఏ రంపంతో కోసుకుందో 

నన్నడగకు 

భాషంతా చెదపురుగు 

అసలిది అంతరించిపోతుంది 

పెనుగాయమొక్కటే బతుకు 

ఇప్పటికైనా వినిపించానా 

గొంగడి పురుగును 

గ్నాపకాలపై తిండి కోసం పాకుతూ 

సగం కన్నీరు 

సగమే మృతి 

బాధలు పడే వాడి 

కూలిన తొలి నిశ్శబ్దం 

ఇప్పటికిది 

ఏమీ వినిపించదు